HStAOrient5a: 76v

Ve Ebū l‑ʿAbbās Mustaġfirī Kitāb‑i Ruqāda ʿAlī bin Ṭālibden // isnād‑i dürüstle ẕikr ėder ki bir Cehūd [ʿahd‑i] resūlu llāhda müslümān // olub baʿdehū bir zerrīn kāġıd üzerine bu esmāʾu llāhı getürüb // dėdi ki: Yā resūla llāh bu esmāʾi Mūsā ve Hārūn // getürürdi. Her kim bu esmāʾu llahı getüre dīvden ve daḫı // düşmenden ve sārıqdan ve sāyir vüḥūş ḥayvānātdan // emīn ola. Muṣṭafā ṣallā llāhu ʿaleyhi ve‑sellem buyurdı Ḥasan ve Ḥüseyn // rażiya llāhu taʿālā ʿanhumā getürdiler. Kelimāt bunlardur: Ahya Aẕū‑ // yāy Şūmāġ Malaḫ Milḫī Hamluḫaym Şavā‑hayyā Şarā‑hayyā // Aẕūnāy İbn ʿUqda ki rāvī‑yi ḥadīs̱dür [eyidür]: Qırq // yıl bunuñ ṭalebinde oldum āḫir buldum çün Qarāmiṭa // leʿanehumu llāhu Kūfeyi ġāret ėtdiler bu taʿvīẕi müselmānlara // vėrdüm. Her kim der‑i serāyında āviḫte qıldı ol serāya // düşmen dāḫil olmadı. Muḥammed Ḥanefī ʿAbdullāh bin ʿAbbāsa // buyurur ki: Pederüm ʿAli ibn Abī Ṭālibüñ muqaddem-i ceyşinde olur // idüm. Her qaçan‑kim bu esmaʾu llahı oqurdum görmezdüm // illā ḫayr. Mesʾele: Efsūn‑i tebb ki mücerreb olandur ve // eḥādīs̱den aña nāfiʿ ne vardur? Cevāb: Enes [rażiya llāhu ʿanhu] rivāyet // ėyidür: Rażiya llāhu ʿanhū bir gün resūlu llāh ṣallā llāhu ʿaleyi ve‑sellem